估唔到今年嘅農曆新年會喺漫漫長夜中渡過，因而覺得比別人少了點新年氣氛，不過喺咁寒冷嘅天氣陪襯底下這個新年還是過得令人相當難忘。可能記憶中小時候嘅新年都係寒冷交加，印象一旦形成就很難磨滅，所以總覺在寒冷嘅天氣底下過農曆新年才有意思。

從今日開始我想改掉我喺工作中嘅兩個毛病，希望可以做到“閒事莫理”同埋唔好因為小小事成日猜測去別人對自己嘅睇法。如果可以做到以上兩點之後我喺工作中就會做得好開心。我會做到嘅！

我部電部已經壞咗成大半年了，喺呢段期間我都用住細佬部舊機，今日我終於”的”起心肝買咗部iphone 4 S了，估唔到最後我都唔可以做到出污泥而不染逃唔出iphone嘅魔掌。不過值得安慰嘅係我將部舊電話用盡咗命先再買新機，總算為環保出咗份綿力。

本來今日收工後可以同老公Jerry去行吓街辦吓年貨，但是K生話大老闆於晚上請我哋部門食晚飯，唉！其實大家都唔係咁願意出席。之前三年都唔見L老細請我哋食團年飯，只不過L見到隔裡部門新嚟無耐嘅VP好大方請下屬食團年飯，所以身為SVP嘅佢當然唔可以咁小家慳返呢一餐唔請了。不過，人家VP去嘅餐廳都算是高檔次餐廳，而我哋就去返公司餐廳吃飯，如果佢唔想俾人講閒話嘅我哋都覺得好似之前幾年咁唔請仲好。

因為我哋部門要on shift所以餐飯分兩批人進行，大約每一批用餐一個鐘，K生當然要兩餐都陪同大老闆L用餐了。大家喺吃飯其間嘅話題都好少而且第一次同L老闆吃飯大家都表現得好緊，成餐飯都係L講嘢多我哋只係間唔中付應一下佢嘅說話，到用餐完畢嗰一刻我隱約睇得出大家臉上終於見到曙光嘅表情。期望下一年唔好再搞同L老闆嘅團年聚餐了。

今日返工無端端俾老闆“省”咗一餐，喺我嘅角度我覺得件事唔應該由我哋部門負責，但在大老闆嘅角度佢覺得呢件事是重要事應該知道後第一時間通知佢。結果接到大老闆嘅電話我只可以一味聽佢訓話，因為我知道佢認為我做錯咗就係做錯咗即使有千萬個理由，就只能任由佢責罵，因為愈想解釋大老闆就會認為我愈唔服氣‧‧‧

直到隔咗無耐大老闆打第二次電話俾我，呢次電話就由之前嘅責備變為同我分析成件事嘅重要性，但我始終認為因為高層知道嘅內幕比我哋呢種小角色多，第一次遇到呢種問題時我好自然認為與我哋無關，不需再跟進，可惜站在佢老人家嘅角度卻認為是大件事。當遇到這樣嘅障礙物時應第一時間通知佢，由佢來為我哋解決問題。不過呢次大老闆甚具高層嘅作風識得責罵完員工之後又“安慰”返下屬，得我哋感覺到佢嘅威嚴之外又體會到佢對我哋的體貼，佢不愧識得點做一個好老闆。

唔錯都做咗無論我宜家點樣怪責自己都無補於是，唯有吸取呢次教訓了(不過我平時工作都屬於分外小心型，今次發生呢啲咁嘅事情唯有一半怪自己唔識處理一半就當唔好彩了)

今次4日3夜嘅台灣旅程雖然玩得有啲緊迫但我同Jerry都相當滿足，之前想去嘅景點都可以如願如償，而且我哋兩個仲食咗好多台灣當地小食，返到嚟澳門我哋都覺重磅咗。我哋住嘅嗰間酒店比起想像中要乾淨得多，估唔到可以以咁優惠嘅價錢住到咁舒適嘅酒店，另外酒店周圍交通便利因而為我哋呢次匆促嘅旅程慳返唔少時間。

今次台灣之行我同Jerry都玩得相當滿足。

我哋要坐45分鐘火車到瑞芳火車站然後轉乘巴士到達九份

九份真係一個山城啊

聽日就出發去台灣了，呢次係我同Jerry第一次到台灣玩，希望一切都順順利利，玩得開心了。